هەڕەشەی نوێ لە خامنەییەوە: بە هێزێکی زۆرەوە وەڵامی ئیسرائیل دەدەینەوە

ئاڤا نیوز

لە بەرامبەر هێرشەکانی ئیسرائیل بۆ سەر ئێران، ڕێبەری باڵای کۆماری ئیسلامیی ئێران هەڕەشەی تۆڵەکردنەوە دەکات و دەڵێت، ئیسرائیل چارەنووسێکی تاڵ و بە ژانی بۆ خۆی هەڵبژارد.

وێنە گەورەکە: بەرەبەیانی ڕۆژی هەینی، ئیسرائیل لەڕێگەی 200 فڕۆکەی شەڕکەرەوە هێرشێکی فراوانی بۆسەر بنکە ئەتۆمییەکان و شوێنی مانەوەی بەشێک لە سەرکردە باڵاکانی  ئەو وڵاتە دەستپێکرد.

لێدوانی فەرمی: عەلی خامنەیی، ڕێبەری باڵای کۆماری ئیسلامیی ئێران، لە پەیامێکی نوێدا لەبارەی هێرشەکانی ئیسرائیل ڕایدەگەیێنێت: ئیسرائیل بەبێ زیان لەم تاوانە ڕزگاری نابێت و هێزە چەکدارەکانی ئێران بە هێزێکی زۆرەوە ڕووبەڕووی ئیسرائیل دەبنەوە و وا لە ئیسرائیل دەکەن لەوەی کردوویەتی پەشیمان ببێتەوە.

خامنەیی دەشڵێت: هاوڵاتیانی ئێران دڵنیا دەکەینەوە ئەم هێرشانە بە کەم وەرناگرین، هێزەکانمان بەوپەڕی تواناوە خۆیان ئامادە کردووە بۆ وەڵامدانەوەی هێرشەکان، ئیسرائیل چارەنووسێکی تاڵ و بە ژانی بۆ خۆی هەڵبژارد.