داخستنی ئاسمانی عێراق بەڕووی هەموو گەشتەکاندا درێژکرایەوە

ئاڤا نیوز

دەستەی فڕۆکەوانیی شارستانیی عێراق ڕایدەگەیێنێت، ئاسمانی عێراق بەڕووی هەموو گەشتەکاندا تا کاتژمێر حەوتی ئێوارە بە داخراویی دەمێنێتەوە.

 

وێنە گەورەکە: بەهۆی هێرشی مووشەکی نێوان ئیسرائیل و ئێران، بەشێکی زۆری وڵاتان گەشتە ئاسمانییەکانیان لەناوخۆ و دەرەوە ڕاگرت، ئەمەش وەک ئامادەکارییەک بۆ خۆپارێزی لە هەر مەترسییەک کە لە ئەنجامی گرژییەکانی ناوچەکە سەریهەڵداوە.

 

ڕاگەیێنراوی فەرمی: دەستەی فڕۆکەوانیی شارستانیی عێراق ڕایگەیاند، داخستنی ئاسمانی عێراق بەڕووی هەموو گەشتەکاندا تا کاتژمێر حەوتی ئێوارە درێژکرایەوە.

 

ئەوەی پێویستە بیزانیت: هەینی 13ـی حوزەیران، وەزارەتی گواستنەوە و گەیاندنی عێراق ڕایگەیاند، بەهۆی گرژییەکانی نێوان ئیسرائیل و ئێران و بەمەبەستی پاراستنی سەلامەتی فڕۆکەوانی مەدەنی، ئاسمانی عێراق بەتەواوی بەڕووی هاتووچۆی فڕۆکەوانی مەدەنی دادەخرێت.