ئێران بەچڕیی ئیسرائیل مووشەکباران دەکات و کوژراو و بریندار هەیە

ئاڤا نیوز

ئاژانسی هەواڵی ئێران بڵاوی کردەوە قۆناغی دووەمی ئۆپەراسیۆنی "بەڵێنی ڕاستگۆی 3" لە ڕێگەی هەڵدانی درۆن و مووشەکی بالیستی بەرەو ئیسرائیل دەستیپێکرد، سووپای ئیسرائیلیش هەواڵەکە پشتڕاست دەکاتەوە و دەڵێت، هێرشی چڕی مووشەکیمان کراوەتە سەر.

زانیاریی بەدەستهاتوو: کەمێک بەر لەئێستا لە ئەسفەهانەوە دەیان مووشەکی بالیستی ئاراستەی شاری حەیفای ئیسرائیل کران و سوپای ئیسرائیلیش هەواڵەکەی پشتڕاست کردەوە.

چی ڕوودەدات: دوایین زانیاریی لەبارەی جەنگی نێوان ئیسرائیل و ئێران ئەمانەن:

٠ میدیای ئیسرائیل: دەنگی تەقینەوە لە حەیفا بیسترا.

٠ سیستمی بەرگریی ئیسرائیل هەوڵی ڕێگریکردن لە مووشەکەکانی ئێران دەکات لە ئاسمانی شاری نابلوس لە کەناراوەکانی فەلەستین.

٠ سوپای ئیسرائیل: تورکیا بەربەست لەبەردەم فڕۆکەکانی ئیسرائیل لە ئاسمانی سووریا دروست دەکات بۆ ڕێگریکردن لە مووشەکەکانی ئێران.

٠ سوپای ئیسرائیل: تورکیا فڕۆکەکانی ئیسرائیلی ئاگادار کردووەتەوە ئاسمانی سووریا بەجێبهێڵن.

٠ تەلەفزیۆنی فەرمی ئێران: مووشەک و درۆنەکانمان ئامانجێکی سەربازیان لە ئیسرائیل پێکا.

٠ ڕاگەیاندنەکانی ئیسرائیل: لە پاڵاوگەیەکی گەورەی نزیک حەیفا ئاگر کەوتووەتەوە.

٠ ئاژانسی تەسنیمی ئێران: بەرگریی ئاسمانی ئیسرائیل لە بەرپەرچدانەوەی مووشەکەکانی ئێران شکستی هێنا.

٠  فریاگوزاریی ئسیرائیلی: 96 کەس برینداربوون یەکێکیان تەندروستی ناجێگیرە لە باکووری ئیسرائیل. هاوکات چوار کەسیش بەهۆی هێرشەکانەوە کوژراون

٠ بەهۆی هێرشە مووشەکیەکانەوە هەردوو ئاسمانی سووریا و ئوردن داخران.

نوێ دەکرێتەوە ......