لەماوەی سێ ڕۆژدا نزیکەی 230 گەشتی ئاسمانی لە کوردستان هەڵوەشاونەتەوە

ئاڤا نیوز

شەڕی سێ ڕۆژەی نێوان ئێران و ئیسرائیل بەردەوامی هەیە و سەدان گەشتی لە فڕۆکەخانەکانی عێراق و هەرێمی کوردستان بۆ وڵاتانی ناوچەکە و جیهان هەڵوەشاندووەتەوە.

 

چیرۆکی سەرەکی: شەوی ڕابردوو ده‌سه‌ڵاتی فڕۆكه‌وانی شارستانیی عێراقی، داخستنی ئاسمانی عێراق به‌ ڕووی گه‌شته‌ ئاسمانییه‌كاندا تاوه‌كو كاتژمێر 7:00ـی ئێواره‌ی ئه‌مڕۆ درێژ کردەوە، لەو ماوەیەدا سەدان گەشت لە فڕۆکەخانەکانی کوردستان وەستێنراون.

 

لێدوانی فەرمی: ئەحمەد هۆشیار، به‌ڕێوه‌به‌ری فڕۆكه‌خانه‌ی نێوده‌وڵه‌تیی هه‌ولێر بە ئاڤای گوت، "لەڕۆژی هەینییەوە تاوەکو ئێستا زیاتر لە 220 گەشتی ئاسمانی فڕۆکەخانەی هەولێر هەڵوەشاونەتەوە."

 

- لە فڕۆکەخانەی سلێمانی 16 گەشت هەڵوەشاونەتەوە و هاووڵاتیان چاوەڕێی کردنەوەی ئاسمانی عێراق دەکەن، بۆ ئەوەی دەست بە گەشتەکانیان بکەنەوە.

 

لەلایەکی دیکەوە: عێراق تەنیا فرۆکەخانەی بەسڕەی نێودەوڵەتیی کردووەتەوە، گەشتەکانیش بۆ ئیمارات و هیندستان و میسر دەبێت و تەنیا لە کاتی ڕۆژ گەشتەکان دەکرێن.