400 ناوی دیکە لە کەرکووک چەکی قەرەبووی ماددەی 140ـیان بۆ دەکرێت

ئاڤا نیوز

400 عەرەبی هاوردە و ئاوارەی کوردی کەرکووک ناویان گەڕاوەتەوە بۆ ئەوەی چەکی قەرەبووی ماددەی 140ـیان بۆ بکرێت.

وێنە گەورەکە: لیژنەی ماددەی 140 دوای 12 ساڵ سڕکرانی دواتر دەستبەکاربوونەوە و بڕی 200 ملیار دیناری بۆ تەرخانکرا تا قەرەبووی ئەو کەسانە بکرێتەوە کە لە ماددەی 140 قەرەبوو نەکراونەتەوە.

لێدوانی فەرمی: کاکەڕەش سەدیق، بەرپرسی نووسینگەی کەرکووکی ماددەی 140 بە ئاڤای گوت: ناوی 200 ئاوارەی کورد و 200 عەرەبی هاوردە گەڕاوەتەوە بۆ ئەوەی چەکی قەرەبوویان بۆ بکرێت.

زانیاریی زیاتر: بە گوتەی کاکەڕەش، ئەو کەسانەی ناویان گەڕاوەتەوە دەبێت سەردانی ئۆفیسی کەرکووک بکەن و وێنەی تۆماری 2025 و کارتی نیشتمانی و بارکۆد لەگەڵ خۆیان ببەن ئینجا چەکی قەرەبوویان بۆ دەکرێت.

ژمارەکان وا دەلێن: 42 هەزار ئاوارەی کوردی کەرکووک چەکی قەرەبوویان بۆ کراوە و نزیکەی 7 هەزاریش ماون چەکیان بۆ بکرێت. نزیکەی 19 هەزار عەرەبی هاوردە چەکی قەرەبوویان بۆ کراوە و نزیکەی سێ هەزاریش ماون چەکیان بۆ بکرێت.