ئەمریکا: نەوت و گازی هەرێمی کوردستان هاوکاری عێراق دەبێت

ئاڤا نیوز

باڵیۆزی ئەمریكا لە عێراق ڕایگەیاند، نەوت و گازی هەرێمی كوردستان هاوكاری عێراق دەبێت بۆ سەربەخۆیی كەرتی وزە.

ڕاگەیێنراوی فەرمی: ئەلینا ڕۆمانۆوسکی باڵیۆزی ئەمریکا لە بەغدا، لەگەڵ حەییان عەبدولغەنی وەزیری نەوتی عێراق کۆبووەوە، گفتووگۆیان کرد لەسەر سەربەخۆیی عێراق لەکەرتی وزەدا، کۆبوونەوەکە ئامادەکارییە بۆ سەردانە چاوەڕوانکراوەکەی محەمەد شیاع سوودانی سەرۆکوەزیرانی عێراق بۆ ئەمریکا.

لێدوانی فەرمی: ڕۆمانۆوسکی لە تۆڕی کۆمەڵایەتی ئێکس نووسیویەتی: وەکو ئامادەکارییەک بۆ سەردانەکەی محەممەد شیاع سودانی سەرۆکوەزیرانی عێراق لەگەڵ حەییان عەبدولغەنی وەزیری نەوتی عێراق گفتووگۆیان کردووە لەسەر سەربەخۆیی عێراق لەکەرتی وزەدا، بەجۆرێک لەبەرژەوەندی عێراقییەکاندا بێت.

زانیاریی زیاتر: بە سوود وەرگرتن لە نەوت و گازی هەرێمی کوردستان هاوکار دەبێت بۆ عێراق بەرەو سەربەخۆیی لەکەرتی وزەدا. ئەلینا ڕۆمانۆوسكی ئەمەی گوتووە.

وێنە گەورەكە: زیاتر لە ساڵێكە هەناردەی نەوتی هەرێمی كوردستان بۆ بەندەری جەیهان لە توركیا بەهۆی بڕیارێكی دادگەی نێوبژیوانی پاریس و لەسەر سكاڵای عێراق ڕاگیراوە، لەوكاتەوە گفتوگۆكان بۆ دەستپێكردنەوەی بەردەوامن.