‎ئەمریكا: ئیسرائیل بۆ خۆڕێكخستنەوە لە غەززە كشاوەتەوە

ئاڤا نیوز

 

‎کشانەوەی سوپای ئیسرائیل لە کەرتی غەززە بۆ خۆ ڕێكخستنەوە و پشوودانە نەك بۆ كشانەوەی هەمیشەیی.

 

‎وێنە گەورەكە: سوپای ئیسرائیل هێزەكانی لە باشووری كەرتی غەززە كشاندەووەتەوە؛ نەتانیاهۆ دەڵێت، تاوەکو بارمتەكان ڕزگار نەكرێن ئاگربەست ناكەین و ئەمریكاش دەڵێت، بەیەكجاریی نەكشاونەتەوە و تەنیا بۆ پشوودانە.

 

‎لێدوانی فەرمی: جۆن كێربی، گوتەبێژی ئاسایشی نیشتمانیی کۆشکی سپی گوتی: "کەمکردنەوەی هێزی سەربازیی ئیسرائیل لە باشووری کەرتی غەززە وادەردەکەوێت پشوودان و دووبارە خۆڕێکخستنەوە بێت، بڕوا ناکەین ئاماژەیەک نییە لەسەر هیچ ئۆپەراسیۆنێکی نوێ".

 

‎ئەوەی پێویستە بیزانیت: شەش مانگە شەڕ و پێكدادانەكان لە غەززە بەردەوامن؛ تاوەکو ئێستا 33 هەزار كەس و 600 سەربازی ئیسڕائیلی كوژراون، نزیکەی دوو ملیۆن هاووڵاتیش ئاوارەبوونە.