وەزارەتی ناوخۆی عێراق: کارتی نيشتیمانی دەبێتە بنەمای هەموو مامەڵەکان

ئاڤا نیوز

وەزارەتی ناوخۆی عێراق ڕایگەیاند، کارتی نيشتیمانی دەبێتە بنەمای هەموو مامەڵەکان، ئەمەش بەهۆی ئەوەی داتاکانی ڕاستەقینەن.

لێدوانی فەرمی: نەشئەت ئیبراهیم خەفاجی، بەڕێوەبەری گشتیی باری شارستانی و پاسپۆرت و نشینگە لە عێراق ڕایگەیاند: هەماهەنگی پێشوەختە لەگەڵ وەزارەتی بازرگانی و پلاندانان و کۆمسیۆنی هەڵبژاردنەکان هەیە، بۆ ئەوەی کارتی نیشتیمانی ببێتە بنەمای هەموو مامەڵەکان.

زانیاریی زیاتر: لە سیستمی کارتی نیشتیمانیدا دەتوانرێت هەر هاووڵاتیەک بە ئاسانی بناسرێتەوە، پشتبەستن بە کارتەکە لەسەر بنەمای ئەوەیە کە داتاکانی ڕاستەقینەن، جگە لە بوونی وێنەی دەموچاو و خوێندنەوەی چاو و پەنجەمۆر و هەموو ئەو شتانەی لە تۆماری باری شارستانیدا نین.

ژماره‌كان واده‌ڵێن: زیاتر لە 36 ملیۆن هاووڵاتی لەسەرانسەری عێراق، لە سیستەمی كارتی نیشتمانییدا تۆماركراون. هاوكات زیاتر له‌ حه‌وت ملیۆن عێراقی  كارتی نیشتمانییان بۆ چاپ نەكراوە.