بایدن: ئێران بەمزووانە هێرش دەکاتە سەر ئیسرائیل

ئاڤا نیوز

 

سەرۆکی ئەمریکا ڕایگەیاند ئێران بەم زووانە هێرش دەکاتە سەر ئیسرائیل. هاوکات، پابەندیی وڵاتەکەی بۆ بەرگریکردن لە ئیسرائیل و دابینکردنی ئاسایشی ئەو وڵاتە دوپات کردەوە. 

لێدوانی فەرمی: جۆ بایدن، سەرۆکی ئەمریکا، بە ڕۆژنامەنووسانی گوتووە کە زانیاریی دڵنیای لایە و نایدرکێنێت، بەڵام بە مەزەندی ئەو ئێران "بەم زووانە، نەک دواتر" هێرش دەکاتە سەر ئیسرائیل. هۆشداریشیدایە ئێران کە "کاری وا نەکات".

 

زانیاریی زیاتر: "ئێمە پابەندین بە بەرگریکردن لە ئیسرائیل، پشتیوانیی دەکەین. یارمەتیی بەرگریی ئیسرائیل دەدەین و ئێران سەرکەوتوو نابێت." بایدن وای گوتووە.

ئەوەی پێویستە بیزانیت: ژمارەیەک وڵات لە ئەگەری هێرشی ئێران بۆ ئیسرائیل و وەڵامدانەوەی ئەو وڵاتە، داوایان لە هاووڵاتیانیان کردووە ئێران بەجێبهێڵن.

وێنە گەورەكە: دوای هێرشەكەی دووشەممەی ڕابردووی ئیسرائیل بۆسەر كونسوڵخانەی ئێران لە دیمەشق، ئێران هەڕەشەی هێرشی ڕاستەوخۆ بۆ سەر ئیسرائیل دەكات، ئەمشەویش حیزبوڵڵای لوبنان چەند مووشەك و درۆنێكی ئاڕاستەی ئیسرائیل كرد.