میدیای فەرمیی سووریا: لەلایەن ئیسرائیلەوە هێرشمان کراوەتە سەر

ئاڤا نیوز

سەرچاوەیەکی سەربازی لە سووریا پشتڕاستی دەکاتەوە، بە مووشەک لە باشووری فەڵەستینەوە هێرشکراوەتە سەر پێگەکانی بەرگریی ئاسمانی وڵاتەکە، تەنیا زیانی ماددی هەبووە.

 

لێدوانی فەرمی: سەرچاوەیەکی سەربازی بۆ ئاژانسی سانای فەرمیی سووریا: "بەرەبەیانی ئەمڕۆ هەینی، ئیسرائیل هێرشێکی مووشەکی دەستپێکرد و پێگەکانی بەرگریی ئاسمانی لە ناوچەی باشووری وڵاتەکە بۆردوومان کرد".

 

ئەمەش بزانە: هەر دوای "بۆردوومانکردنی ئێران"، دەنگی چەند تەقینەوەیەک لە بابل و بەغدا بیستران، بەڵام تاوەکو ئێستا لایەنە ئەمنییەکانی عێراق پشتڕاستیان نەکردووەتەوە.

 

باکگراوند: بەرەبەیانی ئەمڕۆ لە تاران و ئەسفەهان دەنگی چەند تەقینەوەیەک بیستراون؛ ئەگەری بەهێز هەیە کە ئیسرائیل هێرشی تۆڵەی بۆ سەر ئێران کردبێت؛ ئێران ڕەتی کردووەتەوە و ئیسرائیلیش لێدوانی لەسەر نەداوە.