دادگەی فیدراڵی سکاڵایەک لەبارەی هەرێمی کوردستان ڕەتدەکاتەوە

ئاڤا نیوز

 

دادگەی فیدراڵیی عێراق سکاڵای داخستنی کەمپی ئاوارەکان و نوێنەرایەتییەکانی وەزارەتی پەروەردەی عێراق، لە پارێزگاکانی هەرێمی کوردستان ڕەتکردەوە.

وێنە گەورەکە: لە سکاڵاکەدا داوای هەڵوەشاندنەوەی بڕیاری ئەنجوومەنی وەزیرانی عێراق کرابوو، بۆ داخستنی کەمپی ئاوارەکان کە بڕیارە تاوەکو 30ـی تەممووزی 2024 سەرجەمیان دابخرێن، لەگەڵ بڕیاری وەزارەتی پەروەردەی عێراق بۆ داخستنی نوێنەرایەتییەکان لە پارێزگاکانی هەرێمی کوردستان.

ڕاگەیێنراوی فەرمی: دادگەی فیدراڵی لە بڕیارەکەیدا ڕایگەیاندووە: بەهۆی نەبوونی مەرجی پێویست بۆ تۆمارکردنی داوای یاسایی، سکاڵاکە ڕەتکرایەوە.

لێدوانی فەرمی: د. عائید هیلالی، ڕاوێژکاری سەرۆکوەزیرانی عێراق بە ئاڤا نیوزی گوت: ئەوەی لە کۆبوونەوەی سوودانی و وەزیرانی پەروەردەی هەرێمی کوردستان و عێراقدا باسکراوە، هاوشێوەی بڕیارەکەی دادگەی فیدراڵی بووە، بەوەی دەبێت نوێنەراتییەکان لە هەرێمی کوردستان بمێنن، نوێنەراتییەکان داناخرێن.

ئەوەی پێویستە بیزانیت: حکومەتی عێراق دەیەوێت ئاوارەکانی نێو هەرێمی کوردستان بگەڕێنێتەوە بۆ زێد و شارەکانی خۆیان، بەڵام ئاوارەکان دەڵێن  "نامانەوێت بگەڕێینەوە و ئێستا کوردستان وڵاتمانە".