پەیامی سەرۆکوەزیران بارزانی و ئەمریکا لەبارەی هەڵبژاردنەوە

ئاڤا نیوز 

 

سەرۆکوەزیران بارزانی و بریکاری وەزیری دەرەوەی ئەمریکا هاوڕا بوون لەسەر ئەنجامدانی هەڵبژاردنی پەرلەمانی کوردستان لە زووترین کات و پاراستنی مافەکانی پێکهاتەکانی کوردستان و چارەسەرکردنی هەموو ئەو کێشە و ئاستەنگانەی لەبەردەم پرۆسەی هەڵبژاردنن.

 

ڕاگەیێنراوی فەرمی: لە کۆبوونەوەکەدا عەزرا زییا، بریکاری وەزیری دەرەوەی ئەمریکا، خۆشحاڵيی خۆی بە سەردانیکردنی هەرێمی کوردستان نیشان دا و جەختی کردەوە کە هەرێمی کوردستان، هاوپەیمان و هاوبەشێکی ستراتیژیی 360 پلەی ئەمریکایە لە عێراق و ناوچەکەدا.

 

لەلایەکی دیکەوە: سەرۆکوەزیران بارزانی، پابەندبوونی حکومەتی هەرێمی کوردستانی بە چەسپاندن و بەهێزکردنی بنەما دیموکراسییەکان و پاراستنی ئازادی و مافەکانی مرۆڤ بەگشتی دووپات کردەوە.

 

ئەوەی پێویستە بیزانیت: تەوەرێکی دیکەی کۆبوونەوەکە، جەختکردنەوە بوو لەسەر جێبەجێکردنی ڕێککەوتننامەی شنگال و دەرچوونی میلیشیا و گرووپە نایاساییەکان و زەوینە خۆشکردن بۆ ئاساییکردنەوەی دۆخی دەڤەرەکە و ئاوەدانکردنەوەی شنگال.