سەرۆکی پێشووی جەهەپە سەردانی دەمیرتاش دەکات

ئاڤا نیوز

سەرۆکی پێشووی جەهەپە دەچێتە زیندان بۆ  سەردانیکردنی دەمیرتاش کە بەهۆی ڕازینەبوونی بە سەرۆکایەتیی رەجەب تەیب ئەردۆغان دەستگیر کراوە.

 

وێنە گەورەکە: کڵچدار ئۆغلو، سەرۆکی پێشووی جەهەپە لەگەڵ سەلچوق میزراقلی، هاوسەرۆکی پێشووی شارەوانیی ئامەد، سبەی سێشەممە 28 - 05 - 2024 دەچێتە زیندان بۆ بینینی سەلاحەددین دەمیرتاش، هاوسەرۆکی پێشووتری هەدەپە کە سزای 42 ساڵ زیندانی بەسەردا سەپێنراوە.

 

لێدوانی فەرمی: کڵچدار ئۆغلو لە  پەخشی ڕاستەوخۆی کەناڵی KRT سەبارەت بە دەمیرتاش گوتی: مانەوەی دەمیرتاش لە زیندان کارەساتێکی یاساییە، ئەردۆغان بە تایبەت لە ژوورەوە دەیهێڵێتەوە، تاکە هۆکاریش ئەوەیە کە پێی گوت، ناتکەین بە سەرۆک، ئەگەرنا چی کردووە، خۆ چەکی بەدەستەوە نەگرتبوو؟

ئەوەی پێویستە بیزانیت: ئەمە جاری یەکەمە، کڵچدار ئۆغلو لە دوای دۆڕاندنی پۆستی سەرۆکایەتیی جەهەپە بە ئۆزگور ئۆزەلی ڕکابەری، بەشداری بەرنامەیەکی تەلەفزیۆنی بکات.