ئەندامێکی ئەنجوومەنی نوێنەران: هیچ ڕێگریەک لەبەردەم ناردنی مووچەی فەرمانبەرانی هەرێمی کوردستان نەماوە

ئاڤا نیوز

 

دەنگ لەسەر هەمواری بودجەی ساڵی 2024 درا و بەبێ دەستکاریکردن دەنگ لەسەر ئەو خشتەیە درا کە لە ئەنجوومەنی وەزیران بۆ ئەنجوومەنی نوێنەران نێردرابوو

 

وێنە گەورەکە: مووچەی فەرمانبەرانی هەرێمی کوردستان لە (ئینفاقی فیعلی) جیاا کرایەوە و خرایە سەر خەرجیی بەکاربردن.

 

لێدوانی فەرمی: شوان کەلاری، ئەندامی ئەنجوومەنی نوێنەرانی عێراق بە ئاڤا نیوزی ڕاگەیاند: بەلای فراکسیۆنی پارتی دوو خاڵ گرنگ بوون، یەکەم؛ زامنکردنی مووچەی فەرمانبەران دووەم؛ دوو تریلیۆن دینار وەک ڕێگە بە سەرۆکوەزیرانی عێراق دراوە بۆ گۆرین، کە دەتوانرێت لەو پارەیە چارەنووسی پارەی وانەبێژان و زۆر کێشەی دیکەی یەکلایی بکرێتەوە".

 

زانیاریی زیاتر: ئەو ئەندامەی ئەنجوومەنی نوێنەران دەڵێت: هیچ ڕێگرییەک لەبەردەم ناردنی موچەی فەرمانبەران نەماوە و ئیدی مانگانە لەگەڵ مووچەی فەرمانبەرانی عێراق مووچەی فەرمانبەرانی هەرێمی کوردستانیش خەرج دەکرێت.

 

باکگراوند: دوای 13 ڕۆژ لە گفتوگۆ لیژنەی دارایی ئەنجوومەنی نوێنەران، ئەمڕۆ ئەنجوومەنی نوێنەرانی عێراق بە ئامادەبوونی 199 ئەندام دەنگی لەسەر هەمواری بودجەی 2024 دا.