دژەتیرۆر لە بەغدا بڵاوەی پێ دەکرێت

ئاڤا نیوز

 

سەرچاوەیەکی ئەمنی بە سۆمەریە نیوزی ڕاگەیاندووە، دژەتیرۆر لە چەند ناوچەیەکی دەوروبەری زانکۆی بەغدا لە گەڕەکی جادریەی ئەو شارە بڵاوەی پێکراوە.

 

چیرۆکی سەرەکی: بەهۆی هێرشی بەردەوامی لایەنگرانی گرووپە چەکدارەکان بۆ سەر خواردنگە ئەمریکییەکان، هێزەکانی دژەتیرۆر لە گۆڕەپانی ئازادی و شەقامەکانی ئەو ناوچەیە تاوەکو دەگاتە گۆڕەپانی کەهرەمانە لە ناوچەی کەڕادە جێگیر کراون.

 

ئەوەی پێویستە بیزانیت: ئامانج و هۆکاری ئەم هێرشە بەردەوامانە بۆ سەر زنجیرەیەک لە چێشتخانە ئەمریکییەکان لە بەغدا نادیارە، ئەمەش لەکاتێکدایە کە ئەو هێرشانە پەیوەستن بە شەڕی غەززەوە، بەو پێیەی پێشتر ئەم چێشتخانە و براندانە لە هەموو جیهاندا بایکۆت کراون.

 

باکگراوند: پێشتر سێ چێشتخانەی ئەمریکی لە ناوچە جیاجیاکانی بەغدای پایتەخت، لەلایەن کەسانی دەمامکدارەوە بە بۆمب و تەقەمەنی هێرشیان کرایە سەر، هەروەها هەڵمەتی تێکدانی تریش بەبێ ئەوەی پاڵنەرەکەی ئاشکرا بکرێت.