کۆمیسیۆنی هەڵبژاردنەکانی عێراق بەرنامە ئەلیکترۆنییەکانی دەنگدان نوێ دەکاتەوە

ئاڤا نیوز

 

کۆمیسیۆنی هەڵبژاردنەکانی عێراق لیژنەیەکی پسپۆری پێکهێناوە بۆ نوێکردنەوە و پەرەپێدانی بەرنامە ئەلیکترۆنییەکانی ئامێری دەنگدان بۆ ئامادەکاریی هەڵبژاردنی پەرلەمانی عێراق لە ساڵی داهاتوودا.

 

ڕاگەیێنراوی فەرمی: وەلید خالید عەباس، بەڕێوەبەری بەشی تەکنەلۆژیای زانیاری لە کۆمیسیۆنی هەڵبژاردنەکان ڕایگەیاند، "ئەو بەرنامە ئەلیکترۆنیانەی کاری پێوە دەکەین بە سیستەمی ئەندرۆید کار دەکات، بۆیە لەمەودوا پێویستە نوێ بکرێتەوە و پەرەی پێبدرێت".

 

زانیاریی زیاتر: وەلید خالید ئەوەشی ڕاگەیاندووە، لیژنەی پسپۆرمان پێکهێناوە بۆ هەڵسەنگاندنی ئەگەری بەکارهێنانی بەرنامەی ئەلیکترۆنی بۆ خێراترکردنی نیشاندانی ئەنجامەکانی هەڵبژاردنی ساڵی 2025.

 

ئەوەی پێویستە بیزانیت: لە هەڵبژاردنی ئەنجوومەنی پارێزگاکانی عێراق لە ساڵی ڕابردوو کۆمیسیۆن هەمان بەرنامەی بەکارهێنا و بە نیازە لە هەڵبژاردنی پەرلەمانیش بەکاریان بێنێت.