پڕۆسەی هەڵبژاردنی سەرۆککۆماری ئێران بەڕێوە دەچێت

ئاڤا نیوز

 

ئەمڕۆ هەینی هەڵبژاردنی سەرۆکایەتیی کۆماری ئێسلامیی ئێران بەڕێوە دەچێت. لەگەڵ کرانەوەی ناوەندەکانی دەنگدان، عەلی خامنەیی، ڕێبەری باڵای ئێران بەشداریی دەنگدانی کرد و دەنگی خۆی دا.

 

لێدوانی فەرمی: خامنەیی لە گوتەیەکەدا گوتی: "ئامادەیی خەڵک لە هەڵبژاردنەکاندا بۆ سەلماندنی تەندرووستیی سیستەم واجبە. بەردەوامی، بەهێزی، شکۆ و ئابڕووی کۆماری ئیسلامی بەندە بە بەشداریی خەڵکەوە".

 

ئەوەی پێویستە بیزانیت: دوای خۆ بەربژێرکردنی 80 کەس، شایستەیی شەش کەس پەسەند کرا. دواتر دوو لەو بەربژێرە پەسەند کراوانەش کشانەوە و ئێستا تەنیا چوار بەربژێر ماونەتەوە کە بریتین لە: مەسعود پزیشکیان، محەممەد باقر قالیباف، سەعید جەلیلی، مستەفا پور محەمەدی.

 

زانیاریی زیاتر: دەنگدان تا کاتژمێر 18:00 بەردەوام دەبێت و ئەگەر پێویست بکات وەزیری ناوخۆ بڕیاری درێژکردنەوەی ماوەی دەنگدانەکە دەردەکات.