موقتەدا سەدر ناوی چالاکوانێک لە یەزیدەوە بۆ عومەر دەگۆڕێت

ئاڤا نیوز

موقتەدا سەدر،  ڕێبەری ڕەوتی نیشتمانیی شیعی ناوی چالاکوانێکی سوننەی عێراقی لە یەزیدەوە بۆ عومەر دەگۆڕێت.

چیرۆکی سەرەکی: یەزید حەسوون نامەیەکی بۆ موقتەدا سەدر ناردووە، لەبارەی پۆستێکی ناوبراوو لە تۆڕە کۆمەلایەتییەکان کە ناوی یەزیدی بە خراپ و ڕەتکراوە وەسف کردبوو.

ئەوەی پێویستە بیزانیت: چالاکوانەکە ترسی لەوە هەبووە لەڕووی ئەمنی و کەسی و دەروونییەوە ئازار بدرێت.

بۆچوونی بەرامبەر: سەدر لە  وەڵامدا بۆی نووسیوە: من برای نیشتمانیی تۆم، گومانی چاکم بە تۆ و بە میانڕەوان هەیە، قبوڵ نەکەن ناویان هاوشێوەی ناوی یەزیدی کوڕی مەعاویە بێت.

زانیاریی زیاتر: سەدر  دەڵێت: لەگەڵ ئەوەی ژمارەیەکی زۆر هاوەڵی پێغەمبەر ناویان یەزیدە، بەڵام تاوانەکەی یەزیدی کوڕی مەعاویە هۆکارێکی باوەڕپێهێنەرە کە ناوی خۆت بگۆڕیت، بۆیە بە  لەبەرچاوگرتنی دۆخەکەت ناوت دەنێم عومەر حەسوون.