سوودانی لەگەڵ لایەنە سیاسییەکانی کەرکووک کۆدەبێتەوە

ئاڤا نیوز 

 

محەممەد شیاع سوودانی، سەرۆکوەزیرانی عێراق بۆ چوارەمجار لەگەڵ لایەنە سیاسییەکانی کەرکووک کۆدەبێتەوە بۆ یەکلاییکردنەوەی پێکهێنانی حکومەتی خۆجێیی کەرکووک لەماوەی 30 ڕۆژدا. 

 

وێنە گەورەکە: هەشت ڕۆژ بەسەر دانیشتنی ئەنجوومەنی پارێزگای کەرکووک تێپەڕیوە، تاوەکو ئێستا هیچ لێکنزیکبوونەوەیەکی لایەنە براوەکان بەدی ناکرێت و بەگوێرەی پەیڕەو پێش 11ـی ئاب دەبێت حکومەتی خۆجێی پارێزگاکە پێکبهێنرێت.

 

زانیاریی بەدەستهاتوو: کۆبوونەوەکە کاتژمێر 07:00ـی ئێوارە دەبێت و نوێنەری سەرجەم لایەنەکان بەشداری دەکەن، سوودانی ئامانجییەتی پێش تەواوبوونی وادەی یاسایی، هەڵوێستی لایەنەکان لەسەر بنەمایەکی هاوبەش یەکبخات.

 

بۆچی گرنگە: لەدوای ڕووداوەکانی 16ـی ئۆکتۆبەری 2017 تاوەکو 11ـی تەمموزی ئەمساڵ پۆستی پارێزگاری کەرکووک بەوەکالەت بۆ پێکهاتەی عەرەب بووە و لەدوای کۆبوونەوەی یەکەمی ئەنجوومەن پۆستەکە بە بەتاڵی ماوەتەوە، کورد زۆرینەی کورسییەکانی بەدەستهێناوە و دەیەوێ پۆستەکە وەرگرێتەوە.