لیستی مووچەی مانگی حەوت ڕەوانەی بەغدا کرا

ئاڤ نیوز

لیستی مووچەی مانگی حەوت ڕادەستی وەزارەتی دارایی عێراق کرا و لیستی مووچەی خانەنشینانیش بە هاوتاکراوی ڕەوانە کراوە.  

 

وێنە گەورەکە: لەلایەن تیمی هونەری وەزارەتی دارایی لیستی مووچەی مانگی حەوتی سەرجەم فەرمانبەران و مووچەخۆران و دەزگا ئەمنی و سەربازییەکان ڕادەستی بەڕێوبەرایەتی گشتیی ژمێریاریی وەزارەتی دارایی فیدراڵ کراوە، دوای دابەشکردنی مووچەی دامودەزگاکان لە عێراق دەست بەناردنی پارەکە بۆ هەرێمی کوردستان دەکرێت.

 

ڕاگەیێنراوی فەرمی: لە ڕاگەێینراوی وەزارەتی دارایی هاتووە، لە پاڵ لیستی مووچەی مووچەخۆران، لیستی مووچەی خانەنشینان بە هاوتاکراوی و بەپێی یاسای خانەنشینی یەکگرتوو ڕەوانەی وەزارەتی دارایی  حکومەتی فیدڕاڵ کراوە.

 

بۆچی گرنگە: 227 هەزار و 541 خانەنشین لەم یاسایەدا سوودمەند دەبن، نزیکەی 50 ملیار دیناریش بۆ کۆی گشتی مووچەی خانەنشینانی هەرێمی کوردستان زیاد دەکرێت، واتا هەر خانەنشینێک نزیکەی 230 هەزار دینار دەچێتە سەر مووچەکەی.

 

باکگراوند: ڕۆژی 03-07-2024، ئەنجومەنی وەزیرانی حکومەتی هەرێمی کوردستان هاوتاکردنی مووچەی خانەنشیانی هەرێمی کوردستانی لەگەڵ عێراق پەسەند کرد.