کەنەدا لە بەرەنگاربوونەوەی ماددەی هۆشبەر هاوکاری هەرێمی کوردستان دەکات

ئاڤا نیوز

 

حکومەتی هەرێمی کوردستان و لایەنە نێودەوڵەتییەکان لە بەرەنگاربوونەوەی ماددەی هۆشبەر هەماهەنگیی دەکەن، لایەنە نێودەوڵەتییەکان هەوڵەکانی حکومەتی هەرێمی کودستان لەو بارەیەوە بەرز دەنرخێنن.

 

وێنە گەورەکە: ڕێکخەری ڕاسپاردە نێودەوڵەتییەکانی حکومەتی هەرێمی کوردستان لەگەڵ کریستینا ئالبرتین نوێنەری هەرێمی ڕۆژهەڵاتی ناوەڕاست و باکووری ئەفریقا لە ئۆفیسی نەتەوە یەکگرتووەکانی تایبەت بە پرسی ماددەی هۆشبەر و تاوان کۆبوونەوە.

 

لێدوانی فەرمی: دیندار زێباری، ڕێکخەری ڕاسپاردە نێودەوڵەتییەکان لە حکومەتی هەرێمی کوردستان بە ئاڤا نیوزی ڕاگەیاند: "لایەنە پەیوەندیدارەکانی حکومەتی هەرێم پێویستیان بە هاوکاریی زیاتر هەیە بە تایبەت لە ڕاهێنانی کارمەندانی پسپۆڕییە جیاوازییەکان، کەنەداش لەو بارەیەوە هاوکاری حکومەتی هەرێمی کوردستان و حکومەتی فیدراڵی دەکات".

 

ئەوەی پێویستە بیزانیت: ئێستا پرۆژەیەکی لێکۆڵینەوە بە هاوبەشی لەگەڵ ڕێکخراوی تەندروستی جیهانی و لایەنە پەیوەندیدارەکانی عێراق کراوە، بە مەبەستی دۆزینەوەی باشترین میکانیزم بۆ ڕووبەڕوو بوونەوەی مادەدی هۆشبەر.