وەزارەتی ناوخۆ و كۆنسوڵی بەریتانیا پرسی هەڵبژاردنیان تاوتوێكرد

ئاڤا نیوز

شاندی كۆنسوڵخانەی بەریتانیا و وەزارەتی ناوخۆی حكومەتی هەرێمی كوردستان كۆبوونەوە، باسیان لە بەهێزكردنی پەیوەندییەكانی هەردوولا و هەڵبژاردن كرد.

وێنە گەورەكە: بۆ زیاتر بەهێزكردنی پەیوەندییەكانی نێوان هەرێمی كوردستان و بەریتانیا، گفتوگۆكردن لەسەر پێشهاتە ئەمنیی و سیاسییەكانی عێراق و ناوچەكە كۆنسوڵی نوێی بەریتانیا لەگەڵ وەزیری ناوخۆی هەرێمی كوردستان كۆبوەوە.

ڕاگەیێنراوی فەرمی: ڕێبەر ئەحمەد، وەزیری ناوخۆی حكومەتی هەرێمی كوردستان ڕایگەیاند:"لەگەڵ کۆنسوڵی بەریتانیا گفتوگۆی بەرهەمدارمان كرد لەسەر دواین پێشهاتە سیاسی و ئەمنییەكانی عێراق و ناوچەكە و هەروەها ڕێگاكانمان بۆ بەرزكرنەوەی هاوكاریی دوولایەنە لەكەرتە جیاوازەكاندا خستەڕوو".

ئەوەی پێویستە بیزانیت: بەریتانیا و هەرێمی كوردستان لە چەندین سێكتەری پەیوەست بە هاوونیشتیمانییانەوە پێكەوە كاردەكەن و پڕۆژەی هاوبەشیان هەیە.