سەرۆكوەزیران بارزانی: گەندەڵی هەڕەشەیەكی ئاسایشی نیشتمانییە

ئاڤا نیوز

سەرۆكوەزیران بارزانی پەیامێك لەبارەی گەندەڵی بڵاودەکاتەوە و ڕایدەگەیێنێ، گەندەڵی هەڕەشەیەكی ئاسایشی نیشتمانییە.

وێنە گەورەکە: ئەمڕۆ 4ی ئەیلوولی 2024 لە هەولێر، یەکەم جاڕدانی ڕاپۆرتی جێبەجێکردنی ستراتیژیی ڕووبەڕووبوونەوەی گەندەڵی لە کەرتی گشتی بە ئامادەبوونی سەرۆکوەزیران بارازنی لەلایەن دەستەی دەستپاکی هەرێمی کوردستان ڕێکخرا.

لێدوانی فەرمی: دوای مەراسیمەکە سەرۆكوەزیران بارزانی لە پەیامێکدا لە تۆڕی ئێكس ڕایگەیاند: "لە ڕابردوودا گوتوومە گەندەڵی هەڕەشەیەكی ئاسایشی نیشتمانییە و دەبێت لەلایەن هاووڵاتیان و بازرگانان و حكومەتیشەوە  بەوشێوەیە مامەڵەی لەگەڵدا بكرێت، هەر بۆیە ئێمە وەبەرهێنانمان لە بوار بانكی دیجیتاڵیدا كرد".

لەلایەکی دیکەوە:  بڕیارە لە ئایندەیەکی نزیکدا دەستەی دەستپاکیی عێراق و دەستەی دەستپاکیی هەرێمی کوردستان یاداشتێکی هاوبەش بۆ بەرەنگاربوونەوەی گەندەڵی  واژۆ بکەن.

ئەمەش بزانە: عێراق لە ئایندەیەکی نزیکدا ستراتیژیەتی بەرەنگاربوونەوەی گەندەڵی بۆ ماوەی ساڵەکانی 2025 تاوەکو 2030 بە یارمەتی هەرێمی کوردستان ڕادەگەیێنێت.