وەزارەتی پەروەردە وادەی دەستپێکردنی ساڵی نوێی خوێندن دیاری دەکات

ئاڤا نیوز 

 

ئەنجوومەنی وەزارەتی پەروەردە وادەی دەستپێکردنی دەوام و ساڵنامەی ساڵی نوێی خوێندنی 2024-2025 دیاری دەکات.

 

زانیاریی بەدەستهاتوو: ئەنجوومەنی وەزارەتی پەروەردەی هەرێمی کوردستان بۆ تاوتوێکردنی چەند پرسێک کۆدەبێتەوە، یەکێکیان دیاریکردنی ساڵنامەی ساڵی نوێی خوێندنی 2024-2025ـە.

 

زانیاریی زیاتر: لە بەشێکی دیکە کۆبوونەوەکەدا ئەم بابەتانە تاوتوێ دەکرێن: ڕێبەری بەشەوانەکان، ساڵنامەی چالاکیی وەرزش و هونەر و ڕاسپاردەکانی دووەمین کۆڕبەندی پەروەردەیی کوردستان کە لە 01 و 02ـی 08-2024 لە هەولێر ساز کرا.

 

ئەوەی پێویستە بیزانیت: ساڵی نوێی خوێندنی 2024-2025 بە بەشداریی زیاتر لە یەک ملیۆن و 720 هەزار قوتابیی قوتابخانە حکومی و زیاتر لە 132 هەزار قوتابیی قوتابخانە ناحکومییەکان لە هەرێمی کوردستان دەستپێدەکات.