هەناردەی نەوتی عێراق بۆ ئەمریکا %17 دادەبەزێت

ئاڤا نیوز

 

 

لەگەڵ ئەوەی لە مانگی ئاب هەناردەی نەوتی عێراق بۆ ئەمریکا پێنج ملیۆن بەرمیلی تێپەڕاند، بەڵام بەراورد بە مانگی پێشوو %17 دابەزینی تۆمار کردووە.

 

وێنە گەورەکە: بەپێی داتاکانی ئاژانسی وزەی نێودەوڵەتی، هەناردەی نەوتی عێراق بۆ ئەمریکا لە مانگی ئابدا گەیشتووەتە پێنج ملیۆن و 741 هەزار بەرمیل، بە تێکڕای 185 هەزار بەرمیل لە ڕۆژێکدا. لەکاتێکدا لە مانگی تەممووز کۆی گشتیی هەناردەکردن شەش ملیۆن و 967 هەزار بەرمیل نەوت بووە.

 

زانیاریی زیاتر: ئاستی هەناردەکردنی عێراق بە درێژایی مانگی ئاب بەمشێوەیەیە؛ لە هەفتەی یەکەمدا عێراق بە تێکڕای 194 هەزار بەرمیل لە ڕۆژێکدا، هەفتەی دووەم 166 هەزار بەرمیل و هەفتەی سێیەم هەناردەکردن بۆ 153 هەزار بەرمیل لە ڕۆژێکدا دابەزیوە، دوای ئەوە لە هەفتەی چوارەمدا بۆ 201 هەزار بەرمیل بەرزبووەتەوە.

 

ئەمەش بزانە: عێراق لە مانگی ئابدا لە ڕیزبەندی پێنجەمی گەورەترین هەناردەکارانی نەوت بووە بۆ ئەمریکا، هەریەک لە کەنەدا، مەکسیک، سعوودیە و بەرازیل لە ڕیزبەندییەکەدا لە پێش عێراقن.