وەزارەتی ناوخۆی هەرێمی كوردستان لێخۆشبوون بۆ سزای ڤیزا دەكات

ئاڤا نیوز

وەزارەتی ناوخۆی حكومەتی هەرێمی كوردستان ڕایگەیاند، بە ڕێژەی 50% لە سزای سەر پارێزەران و كۆمپانیاكانی بەدواداچوونی كاروباری نشینگە و ڤیزا خۆشدەبێت بەو مەرجەی كۆدی ڤیزایان پێش كۆتایی ساڵی ڕابردوو ڕاگیرابێت.

نووسراوی فەرمیی: وەزارەتی ناوخۆی حكومەتی هەرێمی كوردستان، ڕایگەیاند: وەزارەتی ناوخۆی هەرێمی كوردستان بە رێژەی 50% لە سزای سەر پارێزەران و كۆمپانیاكانی بەدواداچوونی  كاروباری نشینگە و ڤیزا  و كۆمپانیاكانی دیكە خۆشبوو كە كۆدی ڤیزایان بەر لە 31-12-2023  ڕاگیراوە.

ئەوەی پێویستە بیزانیت: پێویستە لە سەر  خاوەن كۆدەكان لە ماوەی 90 ڕۆژ  لەدەرچوونی ئەم نوسراوە سەردانی بەڕێوەبەرایەتی ڤیزا بكەن لە دیوانی وەزارەتی ناوخۆ بەمەبەستی پێدانی ئەو بڕە پارانەی كە لە ماددەی یەكەم ئاماژەی پێدراوە.

زانیاريی زیاتر: ئەگەر خاوەن ئەو كۆدانە خۆیان یەكلایی نەكردەوە دەنێردرێن بۆ  فەرمانگەی جێبەجێكردن لە وەزارەتی داد، بەمەبەستی پێدانی جیاوازی لەنێوان ئەو بڕە پارانەی كە كراوە بە داهاتی كۆتایی و لەماددەی سێیەم ئاماژەی پێدراوە، ئەو بڕە پارەیەی لە ئەستۆیان دەمێنێتەوە بۆ هەر كەسێكی بیانی كە چارەنووسی نادیارە پێویستە دوو ملیۆن دینار بدات.