ڕێكارەكانی دروستكردنی یەكەی نیشتەجێبوونی کرێنشینان تەواو بوون

ئاڤا نیوز

ڕێكارەكانی دروستكردنی یەكەی نیشتەجێبوونی کرێنشینان تەواوبوون و چاوەڕێدەكرێت بەردی بناغەیان بۆ دابنرێت.

وێنە گەورەکە: لە هەرێمی کوردستان 20 هەزار یەکەی نیشتەجێبوون لەلایەن دەستەی وەبەرهێنان بۆ کەمدەرامەتان و کرێنیشنان دروست دەکرێن.

بۆچی گرنگە: دروستکردنی ئەو هەزاران شووقەیە لەلایەن حکومەت و دابەشکردنیان بێ پێشەکی، بۆ هاوکاریکردن و پشتیوانیکردنی ئەو خێزانانەیە داهاتیان نزمە بۆ ئەوەی لە کرێچییەتی ڕزگاریان ببێت.

‎لێدوانی فەرمی: بەرگەشت ئاكرەیی، گوتەبێژی دەستەی وەبەرهێنان بە ئاڤا نیوزی ڕاگەیاند:" هۆكاری دواكەوتنی دروستكردنی شووقەکان بۆ ئەوە دەگەڕێتەوە؛ ویستوومانە بێ پێشەکی یاخود بە قیستێکی کەم بە هاووڵاتیانی بدەین".

 

‎زانیاريی زیاتر: پڕۆژەکە هەنگاوی باشی بڕیوە، ڕێكارە ئیداری و یاساییەكان تەواو بوون و لە سەرجەم ناوچەکان زەوی بۆ  تەرخانكراوە، بڕیارە لە كاتێكی نزیكدا بەردی بناغەیان دابنرێت.