محەممەد بن سەلمان 600 ملیار دۆلار وەبەرهێنان لە ئەمریکادا دەکات

ئاڤا نیوز

 

محەممەد بن سەلمان، شازادەی جێنشینی سعودیە، پەیوەندییەکی تەلەفۆنی لەگەڵ دۆناڵد ترەمپ، سەرۆکی ئەمریکا کردوو و دوای پیرۆزبایی کردن، خواستی خۆی بۆ فراوانکردنی وەبەرهێنان دەربڕی لە ئەمریکا بەبەهای زیاتر لە 500 ملیار دۆلار. 

 

چی ڕوودەدات: لە مەراسیمی سوێندخواردنی دۆناڵد ترەمپ، سەرۆکی نوێی ئەمریکا وەڵامی چەند پرسیارێکی دایەوە، یەکێک لەو پرسیارانەی لێکرا ئەوە بوو؛ ئایا یەکەم وڵات کە سەردانی بکات کوێ دەبێت، لە وەڵامدا وتی، " بەریتانیا دەبێت، بەڵام سعودیە بە بەهای 450 ملیار دۆلار بەرهەمەکانی ئەمریکا کڕیووە، بۆیە ئەگەر هاتوو ئەو وڵاتە بە بەهای 500 ملیار دۆلار زیاتر بەرهەمەکانی ئەمریکا بکڕێت، لەوانەیە یەکەم وڵات بێت کە سەردانی بکەم".

 

بڵاوکراوەی فەرمی: ئاژانسی هەواڵی فەرمی سعودیە ڕایگەیاندووە، لە میانەی پەیوەندییەکی تەلەفۆنی نێوان محەممەد بن سەلمان، شازادەی جێنشینی سعودیە و  دۆناڵد ترەمپ، سەرۆکی ئەمریکا، ڕێگاکانی هاوکاریی نێوان هەردوو وڵات تاوتوێکراون، هاکات باس لە بەهێزکردنی هاوکاریی دوو قۆڵی نێوان هەردوولا بۆ بەرەنگاربوونەوەی تیرۆر کراوەتەوە.

 

- لە درێژەی گفتوگۆی نێوانیان، سعودیە خواستی خۆی بۆ فراوانکردنی کەرتی وەبەرهێنان و پەیوەندییە بازرگانییەکانی دەربڕیوە بە بەهای 600 ملیار دۆلار.