لە سلێمانی تانکەرەکان ڕێگەی چەند گوندێک تێکدەدەن

 

 

بەهۆی نزیکی پاڵاوگەیەک لە گوندەکانیان، دانیشتووانی گوندەکانی گڵەزەردە و کانی سپیکە بە دەست هاتووچۆی تانکەرەوە دەناڵینن و ڕێگای هاتووچۆیان لێ وێران بووە.

چیرۆکی سەرەکی: بەهۆی هاتووچۆی بەردەوامی تانکەرەکانی گواستنەوەی نەوت و سووتەمەنی، ڕێگای سەرەکی گوندەکانی گڵەزەردە و کانی سپیکە لە سنووری سلێمانی تێکچووە و دانیشتوانی هەردوو گوندەکەش نارازین.

زانیاریی پەیامنێر: ژیوار عەبدوڵرەحمان پەیامنێری ئاڤا میدیا لە کاتی چوونی بۆ گوندەکان، دەڵێت لەبەر خراپی ڕێگاکە ناچار بووین لەسەر ڕێگای خۆڵ بڕۆین.

لێدوانە فەرمییەکان:

- ڕەفیق عومەر، ئەنجوومەنی گوندی گڵەزەردە بە ئاڤا میدیای ڕاگەیاند: ژیانمان نەماوە و تانکەرەکان ڕێگاکەیان بە درێژی دوو کیلۆمەتر تێکداوە، لەبەر زۆریی چاڵ و چۆڵ ناتوانی پێیدا بڕۆی، ڕۆژانە بەزەحمەت دەتوانین بگەینەوە گوندەکانمان.

-  ئومێد ئەحمەد، بەڕێوەبەری ناحیەی بەکرەجۆ بە ئاڤای ڕاگەیاندووە: با  خەڵکی ئەم ئاواییانە ئیمزا کۆبکەنەوە و داواکارییەکەیان بهێنن بۆ ناحیەی بەکرەجۆ، ئـێمەش بەرزی دەکەینەوە و کاری لەسەر دەکەین.