حکومەتی هەرێمی کوردستان لە مانگی ڕەمەزان کاتژمێرێک دەوامی فەرمی کەم دەکاتەوە

ئاڤا نیوز

بەبۆنەی هاتنی مانگی ڕەمەزان، حکومەتی هەرێمی کوردستان بڕیاریدا کاتژمێرێک دەوامی فەرمی کەمبکاتەوە، دوای ئەو بڕیارە حکومەتی عێراقیش کاتژمێرێک دەوامی کەمکردەوە بە درێژایی ئەو مانگە.

 

زانیاریی بەدەستهاتوو: بەگوێرەی زانیارییەکانی ئاڤا میدیا کە لە حکومەتی هەرێمی کوردستان دەستی کەوتووە، حکومەت بڕیاریداوە بە درێژایی مانگی ڕەمەزان کاتژمێرێک دەوام کەمبکاتەوە، واتا کاتژمێرێک زووتر دەوام تەواو دەبێت.

لەلایەکی دیکەوە: دوای ئەم بڕیارەی حکومەتی هەرێـمی کوردستان ڕۆژی 18ـی ئەم مانگە، بەبۆنەی هاتنی مانگی ڕەمەزان، حکومەتی عێراق بڕیاریدا دەوامی سەرجەم فەرمانبەران کاتژمێرێک کەمبکاتەوە، بڕیارەکەش لە 2ـی ئازار تا کۆتایی هەمان مانگ بەردەوام دەبێت.

زانیاریی زیاتر: عەلی سیستانی، مەرجەعی باڵای شیعە مەزهەبەکان لە عێراق، ڕۆژی چوارشەممە، 02-03-2025ـی وەکو یەکەم ڕۆژی مانگی ڕەمەزانی دیاریکرد و ڕۆژی 30-03-2025 کۆتا ڕۆژی ڕەمەزان دەبێت.

ئەمەش بزانە: وەقفی سوننی لە عێراق تاوەکو ئێستا هیچ بڕیارێکی نەداوە سەبارەت بە دیاریکردنی یەکەم ڕۆژی ڕەمەزان.