وەسیەتێکی سەیر؛ ملیاردێرێکی بەڕازیلی تەواوی سامانەکەی دەبەخشێتە نەیمار دا سێلڤا

ئاڤا نیوز

 

بازرگانێکی گەنجی خەڵکی ویلایەتی ڕیۆ گراندێ دوو سول لە بەڕازیل کە ناسنامەی خۆی ئاشکرا نەکردووە، لەڕێگەی وەسیەتێکەوە سەروەتە زەبەلاحەکەی بۆ ئەستێرەی تۆپی پێی بەرازیل، نەیمار دا سێلڤا جێهێشت.

 

چیرۆکی سەرەکی: بەپێی میدیا بەڕازیلییەکان بازرگانێکی تەمەن 31 ساڵی بەرازیلی وەسیەتی کردووە  هەموو سەروەت و سامانەکەی کە بە بڕی یەک ملیار دۆلاری ئەمریکی مەزەندە دەکرێت، بدرێتە نیمار دا سلاڤا، یاریزانی بەرازیلی و یانەی سانتۆس.

 

زانیاریی بەدەستهاتوو: بازرگانەکە لە 12-7-2023، وەسیەتەکەی لە نوسینگەیەکی دادنووسی لە بەرازیل تۆمار کردوە، بەڵام تائێستا نەیمار هیچ لێدوانێکی لەسەر ئەم بابەتە نەداوە.

 

لێدوانی فەرمی: بازرگانەکە کە ناو  و ناسنامەی خۆی ئاشکرا نەکردووە، گوتی " من نەیمارم خۆشدەوێت و چیرۆکی ژیانی ئەو لەگەڵ باوکی، چیرۆکی باوکی خۆمی بیرهێنامەوە کە لە ژیاندا نەماوە".

 

باکگراوند: نەیمار دا سێلڤا، یاریزانی هەڵبژاردەی بەڕازیل و یاریزانی پێشووی یانەکانی بەرشەلۆنە و پاریس سانجێرمان و ئێستای سانتۆسی وڵاتەکەی لە ساڵی 1992 لە شاری ساو پاوڵو لە بەرازیل لەدایکبووە.