سزای سەرپێچی بەنزینخانەکانی هەرێمی کوردستان قورستر دەکرێت

ئاڤا نیوز

وەزارەتی سامانە سروشتییەكانی هەرێمی كوردستان لەگەڵ بەڕێوەبەرایەتیی نەوت و کانزاکان کۆبوونەوەیەکیان کردووە، پێشنیازی ئەوەکراوە کە سزای سەر بەنزیخانەکان قورستر بکرێت، بەو ئامانجەی سەرپێچییەکان کەم ببێتەوە.

 

وێنە گەورەکە: تیمی بەڕێوەبەرایەتیی نەوت و کانزاکان لە هەر چوار پارێزگای هەرێمی کوردستان ڕۆژانە سەردانی بەنزینخانەکان دەکەن، ئەوانەی سەرپێچی دەکەن بەگوێرەی قەبارەی سەرپێچییەکە لە یەکەم ڕۆژەوە ڕۆژەوە سزای داخستن جێبەجێ دەکرێت چەند سەرپێچییەکە گەورەتر بێت سزاکە زیاتر دەبێت، جگە لەوەش بڕێک پارە غەرامە دەکرێن کە لە 500 هەزار کەمتر نییە.

 

لێدوانی فەرمی: کارزان ڕەئوف، بەڕێوەبەری نەوت و کانزای دھۆک بە ئاڤای گوت، "لیژنەیەکی باڵا لەسەر ئاستی وەزارەتی سامانە سرووشتییەکان بۆ هەموارکردنەوەی سزاکان پێکهێنراوە و دوای وەرگرتنی ڕەزامەندی لە ناوەڕاستی ئەم مانگەوە سزاکان دوو هێندی لێدەکرێت، بۆ ئەو بەنزینخانانەی سەرپێچی دەکەن."

 

ئەمەش بزانە: بەگوێرەی بەدواداچوونی ئاڤا، لەمساڵدا تەنیا لە سنووری پارێزگاکانی هەولێر، سلێمانی و دهۆک لە کۆی 710بەنزینخانە، زیاتر لە 100 بەنزینخانە سزای جۆراوجۆریان بەسەردا سەپێنراوە.