ئیسرائیل هۆشدارییەک بە هاووڵاتییانی دەدات

ئاڤا نیوز

وەزارەتی بەرگری ئیسرائیل هۆشداری دایە هاووڵاتییانی کە نابێت وێنە و ڤیدیۆی شوێنی بۆردوومانەکانی ئێران  بڵاو بکەنەوە.

چیرۆکی سەرەکی: ڕؤژی دووشەممە، 2025-06-16، هێزی بەرگریی ئیسرائیل هۆشدارییەکی تووندی بە هاووڵاتییانی دا کە نابێت بە هیچ شێوەیەک وێنە و ڤیدیۆی شوێنی هێرشە مووشەکییەکانی ئێران لە ناوچە جیاوازەکانی وڵاتەکە بڵاو بکەنەوە، چونکە ئێران چاودێری تۆڕە کۆمەڵاتییەکان دەکات.

کاریگەریی و لێکەوتەکان: بەرگری ئیسرائیل ئەوەشی ڕوونکردەوە، بڵاوکردنەوەی وێنە و ڤیدیۆی شوێنی هێرشەکان وا دەکات ئێران شوێنە گرنگەکان دەست نیشان بکات، ئامانجەکانیان بە دروستی پبێکن.

ئەمەش بزانە: میدیا ئیسرائیلیەکان بڵاویانکردەوە، وەزارەتی بەرگری ئیسرائیل ئۆپەراسیۆنێکیان بۆ دوورخستنەوەی تیمی میدیاییە نێودەوڵەتییەکان دەستپێکردووە کە گرتەی ڕاستەوخۆی مووشەکەکانیان لە ناوچەی حەیفا پەخش کردووە.