فڕۆکەخانەی نێودەوڵەتیی بەسرە بۆ ماوەیەکی کاتی دادەخرێت

ئاڤا نیوز

سەرچاوەیەکی ئەمنی عێراقی ئاشکرایکرد، فڕۆکەخانەی نێودەوڵەتی بەسڕە بەشێوەیەکی کاتی داخراوە و سەرجەم گەشتەکانی فڕۆکەخانەکە بۆ ماوەیەکی کاتی هەڵپەسێردراوە.

 

چیرۆکی سەرەکی: بەهۆی جەنگی نێوان ئێران و ئیسرائیل، وەزارەتی گواستنەوەی عێراق بڕیاری داخستنی ئاسمانی وڵاتەکەی دا و جگە لە فڕۆکەخانەی بەسرە سەرجەم فڕۆکەخانەکانی بەڕوویی هاتووچۆی گەشتیاریی و ئاسمانی داخست. 

 

زانیاریی بەدەستهاتوو: سەرچاوەیەکی ئەمنی بە ئاڤا میدیای ڕاگەیاند: دوای ئەوەی دەنگی تەقینەوەیەک لە دەورووبەری فڕۆکەخانەکە بیسترا، ئێوارەی ئەمڕۆ فڕۆکەخانەی نێودەوڵەتیی بەسرە بەشێوەیەکی کاتی داخرا.

 

زانیاریی زیاتر: ئەو سەرچاوەیە ئاماژەی بەوەشکرد، بڕیاریی داخستنی فڕۆکەخانەی بەسرە هۆکاری ئەمنی لەپشتەوەیە و داخستنەکەشی بۆ ماوەیەکی کاتییە. 

 

لێدوانی فەرمی: مەیسەم سافی، وتەبێژی وەزارەتی گواستنەوەی عێراق دەستیپێکردەوەی گەشتەکانی فڕۆکەخانەی نێودەوڵەتیی بەسرەی ڕاگەیاند.