ترەمپ، نەتەنیاهۆ بەسەربازێکی 'بەهێز' ناودەبات و داوا دەکات دادگاییکردنەکەی هەڵبوەشێتەوە

ئاڤا نیوز

 

لەبارەی دۆسیەی دادگاییکردنی بنیامین نەتانیاهۆ، سەرۆکوەزیرانی ئیسرائیل، ترەمپ داوا دەکات دەستبەجێ دادگاییکردنەکەی هەڵبوەشێتەوە و هاوکات نەتەنیاهۆ بە " سەربازێکی بەهێز" ناو دەبات.

 

بڵاوکراوەی فەرمی: دۆناڵد ترەمپ، سەرۆکی ئەمریکا پۆستێکیدا لە ترووس سۆشیاڵ نووسیوویەتی، "ئیسرائیل یەکێک لە گەورەترین ساتەکانی خۆی لە مێژوودا تاقیکردوەوە، بەسەرۆکایەتیی بنیامین نەتانیاهۆ، ئەو سەربازێکی بەهێز بوو کە ڕەنگە لە مێژووی ئیسرائیلدا هاوتای نەبووبێت، ئەنجامەکەی شتێک بوو کەس لە مێژوودا پێشبینی نەدەکرد، هەوڵی نەهێشتنی ئەتۆمی دا،  کە یەکێک بووە لە مەترسیدارترین و بەهێزترین بەرنامەکانی چەک لە جیهاندا [ئێران] کە بەم زووانە ئەگەری هەبوو ڕوویبدایە.

 

سەرۆکی ئەمریکا لە درێژەی قسەکانیدا دەشڵێت، ئەو سەرۆکوەزیرانی جەنگێکی گەورەیە من و بنیامین پێکەوە بە دۆزەخدا تێپەڕین، ڕووبەڕووی دوژمنێکی مەترسیدار و لەمێژینەی ئیسرائیل و ئەمریکا بووینەوە، ئێمە ئیسرائیلمان ڕزگارکرد و ناتانیاهۆش ڕزگار دەکەین.

 

ئەوەی پێویستە بیزانیت: نەتانیاهۆ لە ساڵی 2019 بە تۆمەتی بەرتیلدان و ساختەکاری و شکاندنی متمانە تۆمەتبار کرا، لەبەرامبەردا نەتەنیاهۆ هەموو ئەم تۆمەتانەی ڕەتکردەوە کە ئاراستەی کرابوون.