لە ئاکرێ سێ کەس بەهۆی ڕێزنەگرتن لە ڕەمەزان دەستگیر دەکرێن

ئاڤا نیوز

 

پۆلیسی ئاکرێ سێ کەسی دەستگیر کردووە کە بە ئاشکرا و لە بەردەم خەڵک نانیان خواردووە؛ هەرچەندە ئەو کەسانە دەستگیرکراون بەڵام ڕەنگە تەنیا بە پێبژاردن سزابدرێن.

 

لێدوانی فەرمی: عیماد حسێن، گۆتەبێژی پۆلیسی ئاکرێ بە ئاڤا نیوزی ڕاگەیاند: "هێزەکانیان لە نووسینگەی نەهێشتنی تاوانی سیپە، سێ کەسییان بەناوەکانی (م.ن.خ) و (ب.م.ع) و (ت.ع.م) دەستگیرکردووە کە بەڕۆژوو نەبوونە و بە لە بەردەم خەڵک خواردنیان خواردووە".

 

زانیاریی زیاتر:  پۆلیس پێیوایە ئەوەی ئەو کەسانە کردوویانە پێچەوانەی ڕێنماییەکانە و ڕێزگرتنە لە مانگی ڕەمەزان؛ ئێستا بە بڕیاری دادوەریی لێکۆڵینەوە و بەپێی ماددەی 240ـی یاسای سزادان، دەستگیرکراون.

 

ئەوەی پێویستە بیزانیت: عیسا زێباری، پارێزەر ئەمەی بە ئاڤا نیوز گوت: "ماددەی 240 لە یاسای سزادان بۆ سەرپێچییەکی گشتی دەستنیشانکراوە، دوو جۆر سزا لەخۆ دەگرێت، یەکەمیان بە 60 هەزار دینار تاوەکو 500 هەزار دینار پێبژاردن، دووەمیشیان تاوانبار بە زیندانیکردنی یەک ڕۆژ تاوەکو شەش مانگ سزا دەدرێت".