یەكەم لێدوانی وەزیری دەرەوەی ئێران لەبارەی هێرشەكەی ئەسفەهان

ئاڤا نیوز

وەزیری دەرەوەی ئێران دەڵێت " هێرشەکەی سەر ئەسفەهان کە بەیانی ئەمڕۆ هەینی ڕوویدا هیچ زیانێکی نەبووە" و دان بەوەشدا دەنێت کە ئیسرائیل هێرشەکەی کردووە.

 

ڕاگەیێنراوی فەرمی: حوسێن ئەمیر عەبدوڵڵاهیان، وەزیری دەروەوەی ئێران ڕایگەیاند: هێرشەکەی ئەسفەهان فڕۆکەی بێفڕۆکەوانی بچووک بوون و هیچ زیانێکی ماددی و مرۆییان لێنەکەوتووتەوە وەک ئەوەی میدیای ئیسرائیل باسی دەکات.

ئەوەی پێویستە بیزانیت: بەرەبەیانی ئەمڕۆ هەینی، دەنگی تەقینەوە لە ئاسمانی شاری تاران و ئەسفەهان بیستران، دواتر حکومەتی ئێران ڕایگەیاند، بە سێ درۆنی بچووک لە لایەن گرووپێک لەناوخۆ هێرشیانکردووە و تێکشکێنراون.

وێنە گەورەکە: لە هەشتی نیسانی ئەمساڵ، ئیسرائیل هێرشیکردەسەر کۆنسوڵخانەی ئێران لە دیمەشقی پایتەختی سووریا و حەوت بەرپرسی سەربازی و دیپلۆماسی ئێران کوژران، پاش چەند ڕۆژێک لەو هێرشە ئێران بە مووشەک و درۆن هێرشیکردەسەر ئیسرائیل بەڵام هێرشەکان هیچ زیانێکی گیانییان نەبوو.