سندووقی دراوی نێودەوڵەتی: ئەمساڵ گەشەی ئابووریی چین 5% بەرز دەبێتەوە

ئاڤا نیوز

 

سندووقی دراوی نێودەوڵەتی، پێشبینی دەکات ئابووریی چین بۆ ساڵی 2024 بە ڕێژەی 5% بەرز ببێتەوە؛ ئەمەش بە ئاماژەدان بەو هەنگاوانەی کە لەم دواییانەدا پەکین بۆ بەرزکردنەوەی ئابوورییەکەی ناویەتی.

 

ڕاگەیێنراوی فەرمی: سندووقەکە ئەوەی ئاشكرای کردووە کە پێشبینی دەکرێت، گەشەی ئابووریی چین لە ساڵی 2024دا بە بەهێزی بمێنێتەوە بە ڕێژەی 5% و لە ساڵی 2025دا بۆ 4.5% کەم بێتەوە.

 

هۆکارە زانراوەکان: بڕیارەکە بەهۆی داتا بەهێزەکانی بەرهەمی ناوخۆیی بۆ چارەکی یەکەم دراوە، هەروەها ئەو سیاسەت و ڕێوشوێنانەی لەم دواییانەدا گیراونەتەبەر.

 

باکگراوند: گەشەی ئابووریی چین لە ساڵانی ڕابردوودا، تووشی پاشەکشە بووە، بەهۆی قەیرانی درێژخایەنی قەرز لە بازاڕی خانووبەرە کە چارەگێکی بەرهەمی ناوخۆیی گشتی پێکدەهێنێت.