زێلینسكی سەردانی قەتەر دەكات

ئاڤا نیوز 

 

بڕیارە ڕۆژی چوارشەممە 05-06-2024 سەرۆكی ئۆكراینا سەردانی قەتەر بكات و لەگەڵ بەرپرسانی ئەو وڵاتە كۆببێتەوە. 

 

هۆکارە زانراوەکان: بۆ قسەكردن لەسەر چەند پرسێكی گرنگ بەتایبەتی هێرشە بەردەوامەكانی ڕووسیا لە ئۆكراینا و بەهێزكردنی پەیوەندی هەردوو وڵات سەرۆكی ئۆكراینا سەردانی قەتەر دەكات و لەگەڵ گەورە بەرپرسانی ئەو وڵاتە چەندین پرس تاوتوێ دەكات.

 

زانیاریی بەدەستهاتوو: سەرچاوەیەكی ئاگادار لەسەردانەكە بە ڕۆیتەرزی ڕاگەیاندووە، زێلنسكی پرسی ئاگربەست و گفتوگۆ بۆ چارەسەری كێشەكان لەگەڵ قەتەر باس دەكات.

 

بۆچی گرنگە: سەردانی سەرۆكی ئۆكراینا بۆ قەتەر هۆكارێكە بۆ كەمكردنەوەی گرژییەكانی نێوان ڕووسیا و ئەو وڵاتە و بەهێزكردنی پەیوەندییەكانی وڵاتانی عەرەبی و ئۆكراینا.