دەست بە دروستکردنی یەکەی نیشتەجێبوونی کەمدەرامەتان دەکرێت

ئاڤا نیوز

 

بەبڕیاری سەرۆکوەزیران بارزانی 20 هەزار یەکەی نیشتەجێبوون لە سەرجەم شار و ئیدارە سەربەخۆکان دروست دەکرێن، لە ماوەی داهاتوودا هەنگاوە کردەییەکانی دەست پێدەکات.

 

وێنە گەورەکە: لیژنەیەکی باڵا لەسەر ئاستی پارێزگا و ئیدارە سەربەخۆکان، سەرپەرشتی دابەشکردن و پڕکردنەوەی فۆڕمی وەرگرتنی یەکەکان دەکەن، بەمەبەستی دیاریکردنی خێزانە شایستەکان.

 

لێدوانی فەرمی: د. محەممەد شوکری، سەرۆکی دەستەی وەبەرهێنانی حکومەتی هەرێمی کوردستان بە ئاڤای ڕاگەیاند: "لە ئایندەیەکی نزیکدا دەست بە دروستکردنی یەکەی نیشتەجێبوونی تایبەت بە کەمدەرامەتان دەکرێت، ئیدارەکانی سۆران و گەرمیان، قەزاکانی ئاکرێ و ئامێدیش دەگرێتەوە."

 

بۆچی گرنگە: دروستکردنی هەزاران یەکەی نیشتەجێبوون لە لایەن حکومەت و دابەشکردنیان بێ پێشەکی، بۆ هاوکاریکردن و پشتیوانیکردنی ئەو خێزانانەیە کە داهاتیان کەمە بۆ ئەوەی لە کرێچیێتی ڕزگاریان بێت.

 

ئەوەی پێویستە بیزانیت: ماوەی دانەوەی قیستی ئەم یەکانە لەنێوان 12 بۆ 15 ساڵە، ڕووبەری شووقەکان 80، 100 و 120 مەترین.