بە ئامادەبوونی زیاتر لە 20 هەزار کەس یانەی دهۆک میوانداریی یانەی زەورا دەکات

ئاڤا نیوز 

 

بە ئامادەبوونی زیاتر لە 20 هەزار هاندەر دهۆک و زەوڕا، لە یەکەم گەڕێ خولی ئەستێرەکانی عێراق لە دهۆک ڕووبەڕووی یەکدی دەبنەوە.  

 

وێنە گەورەکە: ئەمڕۆ هەینی یەکەم گەڕی خولی ئەستێرەکانی عێراق بەڕێوەدەچێت، سەرۆکوەزیران مەسرور بارزانی بەشداری لە ئاهەنگی کردنەوەی خولەکەی کرد و هیوای خواست هەردوو یانە یارییەکی خۆش پێشکەش بکەن. 

 

لەلایەکی دیکەوە: عەدنان درجاڵ سەرۆكی فیدراسیۆنی تۆپی پێی عێراق ڕایگەیاند: سوپاس و پێزانینمان ئاڕاستەی حکومەتی هەرێمی کوردستان دەکەین، هاوکات سوپاسی دهۆک و هاندەرانی دەکەم بۆ ئەو میواندارییەتییە. 

 

ئەوەی پێویستە بیزانیت: یارییەکە کاتژمێر 8:30 خولەک بە کاتی هەرێمی کوردستان بەڕێوەدەچێت و براوەی یارییەکە سێ خاڵی گرنگ بەدەست دەهێنێت. 

 

باکگراوند: ئەمساڵ خولی ئەستێرەکانی عێراق بە بەشداریی 20 یانە بەڕێوەدەچێت، هاوکات بۆ دووەم وەرز لەسەریەک، لالیگای ئیسپانیا چاودێری خولی ئەستێرەکانی عێراق دەکات.