پەیامێک لە سەرۆکوەزیران مەسرور بارزانی بۆ خەڵکی زاخۆ

ئاڤا نیوز 

 

سەرۆکوەزیران مەسرور بارزانی سەردانی ئیدارەی سەربەخۆی زاخۆ دەکات، لە پەیامێکیشدا دەڵێت: خۆشحاڵم سەردانی شاری شەهیدانم کردووە.

 

وێنە گەورەکە: سەرۆکوەزیران مەسرور بارزانی ئەمڕۆ شەممە، سەردانی ئیدارەی سەربەخۆی زاخۆی کرد، بەردی بناغەی کارگەی سیلڤانای دانا، هاوکات بەردی بناغەی جووتسایدی شێخان – لالشی لە سنووری پارێزگای دهۆک دانا.

 

دەقی پەیامەکەی سەرۆکوەزیران بۆ خەڵکی زاخۆ

بەناوی خودای گەورە و دڵۆڤان

جارێکی دیکە پڕ بە دڵ خۆشحاڵم کە سەردانی شاری شەهیدان و مەڵبەندی هونەری ڕەسەنی کوردی و شاری پێکەوەژیان، شاری زاخۆ دەکەم. زۆر کەیفخۆشم لە ماوەی سێ ساڵی ڕابردوو دا، پێشکەوتنی بەرچاو لە شاری زاخۆ هەیە.

هیوای سەرکەوتنی زیاتر بۆ هەموو خەڵکی زاخۆ دەخوازم، زاخۆ هەر پێشکەوتوو بێت و کوردستان هەر ئاوەدان بێت.

 

باکگراوند: ماوەی سێ ساڵە ئیدارەی سەربەخۆی زاخۆ ڕاگەیێنراوە، لە کابینەی نۆیەمی حکومەتی هەرێمی کوردستان 286 پرۆژەی لەسەر ئاستی ئیدارەکە جێبەجێکردووە، هاوکات 68 پرۆژەی دیکە لە کار کردن بەردەوامن.