لە عێراق دەیان هەزار کەس فشاری خوێنیان بەرزە و پێی نازانن

ئاڤا نیوز

وەزارەتی تەندروستی عێراق ئاشكرای دەکات، زیاتر لە 16 هەزار کەس تووشی بەرزی فشاری خوێن بوونە و  پێی نازانن.

 

چیرۆكه‌ سه‌ره‌كییه‌كه‌: مانگی ئایاری ڕابردوو وەزارەتی تەندروستی عێراق پڕۆژەیەکی ڕاگەیاند بەناوی هەڵمەتی نیشتیمانی بۆ دەستنیشانکردنی پێشوەختەی بەرزی فشاری خوێن.

 

لێدوانی فەرمی: ساڵح حەسناوی، وەزیری تەندروستی عێراق ڕایگەیاند: وەزارەتی تەندروستی چەندین تیمی تەندروستی لە 30 سەنتەری بازرگانی و دەزگای حکومی لە عێراق جێگیر کردووە و پشکنینی بەرزی فشاری خوێنیان بۆ نزیکەی 950 هەزار هاووڵاتی ئەنجامدا.

 

زانیاریی زیاتر: حەسناوی ئاماژەی بەوەشکرد، زیاتر لە 16 هەزار کەس تووشی بەرزی فشاری خوێن بوون، پێشتر نەیانزانیوە تووشی ئەو نەخۆشییە بوونە. 

 

ئەمەش بزانە: ژمارەی تووشبوانی بەرزی فشاری خوێن لەم هەڵمەتەدا دەکاتە 11%ـی کۆی ئەوانەی پشکنینیان بۆ کراوە، ئەمەش بەڕێژەیەکی مەترسیدار دادەنرێت.