لە دهۆک ڕێژەی بەشداریکردن لە دەنگدانی تایبەت گەیشتووەتە 77%

ئاڤا نیوز

 

ڕێژەی بەشداریکردن لە پڕۆسەی دەنگدانی تایبەت لە پارێزگای دهۆک تاوەکو پێش نیوەڕۆی ئەمڕۆ گەیشتووەتە 77%.

 

وێنە گەورەکە: بەرەبەیانی ئەمڕۆ ڕۆژی هەینی، پڕۆسەی دەنگدانی تایبەت لە هەرێمی کوردستان بەڕێوەچوو. پڕۆسەکە لەسەرجەم شار و شارۆچکەکانی هەرێمی کوردستان بەردەوامە و زیاتر لە 215 هەزار کەس مافی دەنگدانییان هەیە. 

 

لێدوانی فەرمی: خالید عەباس، بەرپرسی لقی دهۆکی کۆمیسیۆنی هەڵبژاردنەکانی عێراق بە ئاڤا نیوزی ڕایگەیاند: ڕێژەی بەشداریکردن لە پارێزگای دهۆک تا کاتژمێر 12:00 گەیشتووەتە 77%. هیچ لایەنێکیش سکاڵای تۆمارنەکردووە، هاوکات هیچ ئامێرێکی دەنگدان لەکارنەکەوتووە و پڕۆسەی دەنگدان بە سەرکەوتوویی بەڕێوەدەچێت.

 

زانیاریی زیاتر: لە دهۆک 226 کاندید ڕکابەری بۆ بەدەستهێنانی 25 کورسی پەرلەمان دەکەن، 40 هەزار و 965 کەس مافی دەنگدانییان هەیە، هەروەها  33 بنکە و 142 وێستگەی دەنگدان لەو بازنەیە ئامادەکراون.