کۆی گشتی دەنگی لایەنەکان: پارتی دوو هێندەی یەکێتی هێناوە

ئاڤا نیوز 

پارتی دیموکراتی کوردستان بە بەدەستهێنانی 809 هەزار و 197 دەنگ پلەی یەکەمی لە هەڵبژاردن بەدەستهێناوە و یەکێتی بە بەدەستهێنانی  408 هەزار و 141 دەنگ پلەی دووەمی هێناوە.

وێنە گەورەکە: کۆمیسیۆنی باڵای سەربەخۆی هەڵبژاردنەکانی عێراق لە کۆنگرەیەکی ڕۆژنامەوانیدا ئەنجامی بەرایی 99.63%ی هەڵبژاردنی خولی شەشەمی پەرلەمانی کوردستانی ئاشكراکرد.

لێدوانی فەرمی: کۆمیسیۆنی هەڵبژاردنەکان هەڵبژاردنی پەرلەمانی کوردستانی بە سەرکەوتویی وەسف کرد و ڕایگەیاند، ئەنجامی بەرایی 7 هەزار و 44 وێستگە ڕادەگەیێنێت و دەنگی 26 وێستگە نەگەیشتووە.

ژمارەکان وادەڵێن: بەپێی ئەنجامی بەرایی کۆمیسیۆن ژمارەی گشتی دەنگی لایەنەکان لە هەر چوار بازنەکە بەمشێوەیە:

پارتی: 809 هەزار و 197 دەنگ

یەکێتی: 408 هەزار و 141 دەنگ

نەوەی نوێ:  290 هەزار و 991 دەنگ

یەکگرتووی ئیسلامی: 116 هەزار و 981 دەنگ

کۆمەڵی دادگەری: 64 هەزار و 710 دەنگ

ڕەوتی هەڵوێست: 55 هەزار و 775 دەنگ

بەرەی گەل: 33 هەزار و 365 دەنگ

هاوپەیمانی هەرێمی کوردستان: 13 هەزار و 199 دەنگ

بزووتنەوەی گۆڕان: 11 هەزار و 621 دەنگ