ئاڤا میدیا بەدواداچوون بۆ نۆژەنکردنەوەی پارکی گشتی سەیدسادق دەکات

 

ئاڤا نیوز

هاونیشتمانیانی سەیدسادق لەڕێگەی ئاڤا میدیاوە داوای نۆژەنکردنەوەی پارکی گشتی دەکەن و ئاڤا میدیا بەدواداچوون بۆ کارەکانی پارکەکە دەکات.

چیرۆکی سەرەکی: پارکی گشتیی سەیدسادق ڕووبەرەکەی 25 دۆنمە، هاونیشتمانیان گلەیی لە نەبوونی خزمەتگوزاری و یاریی پێویست بۆ منداڵان و دانانی پێداویستییەکانی دیکە دەکەن.

لێدوانی فەرمی: ئەندازیار حەمزە محەممەد ڕەشید، سەرۆکی شارەوانی سەیدسادق بە ئاڤا میدیای ڕاگەیاند:

- کارەکانی نۆژەنکردنەوەی پارکەکە بە کۆمپانیایێک سپێردراوە و کارە ئیدارییەکانیشی تەواو بووە، بۆیە لە ئایندەیەکی نزیکدا دەست بە نۆژەنکردنەوەی پارکەکە دەکرێت.

- شارەوانی دەرگای کراوەیە و زەویی پێویستمان هەیە بۆ هەر کۆمپانیا و کەسێک کە بیەوێت کار و پرۆژەی پێویست بونیاد بنێن.

زانیاریی زیاتر: لە قۆناغی یەکەمی نۆژەنکردنەوەی پارکی گشتی سەیدسادق، کار لەسەر سەوزکردن، کارەبا، ئاوئاوەڕۆ و کارەکانی دیکە دەکرێت.