103 کەس لە تورکیا بە هۆی خواردنەوەی کحوولی ساختە گیان لەدەست دەدەن

ئاڤا نیوز

لە دوو هەفتەی ڕابردوو بە هۆی خواردنەوەی کحوولی ساختە، 33 کەس لە شاری ئەنقەرە و 70 کەسی دیکەش لە شاری ئیستەنبووڵی تورکیا گیانیان لەدەست داوە، ئەمە جگە لەوەی 40 کەس لەژێر چاودێری چڕدان لە نەخۆشخانە، دۆخی تەندروستییان ناجێگیرە. 

چیرۆکی ساختە: ماوەیەکە لە تورکیا گیان لەدەستدان بەهۆی کحوولی ساختە، زیادیکردووە، ئەگەرچی وەزارەتی ناوخۆی ئەو وڵاتە ڕۆژانە دەست بەسەر کحوولی قاچاغ و ساختەدا دەگرێت، بەڵام هێشتا نەتوانراوە ڕێگری لە بڵاوبوونەوەی بکرێت.

لێدوانی فەرمی: داود گول پارێزگاری ئیستەنبووڵ ڕایگەیاند، لە ئۆپەراسیۆنێکی هاوبەشی وەزارەتی ناوخۆی تورکیا و بەرێوەبەرایەتی پۆلیس ئیستەنبووڵ، 190کەس بە تۆمەتی بە قاچاخ گواستنەوەی کحوولی ساختە بۆ تورکیا دەستبەسەرکراون، 86 هەزار و 274 لیتر کحوولی ساختەی قاچاخ دەستی بەسەردا گیراوە. 

لەلایەکی دیکەوە: ڤەسیپ شاهین، پارێزگاری ئەنقەرە ڕایگەیاند،  33 کەس بەهۆی کحوولی ساختەوە گیانیان لەدەست داوە، 20کەسی دیکەیش لە نەخۆشخانەی لە ژێر چاودێری چڕدان.

زانیاریی زیاتر: تەنیا لە ماوەی دوو هەفتەی ڕابردوودا 69 کەس بەهۆی خواردنەوەی کحوولی ساختە سەردانی نەخۆشخانەیان کردووە و 12ـیان گیانیان لەدەستداوە.