شاندێکی پەرلەمانی عێراق لە شەناغەن

ئاڤا نیوز

شاندێکی پەرلەمانی عێراق گەیشتوونەتە گوندی شەناغە بۆ ئەوەی لێکۆڵینەوە لە ڕووداوەکەی دوێنێ بکەن، کە سەربازانی سووپای عێراق جووتیارانی ئەو گوندەیان ئازاردا.

 

زانیاری بەدەستهاتوو: بەشی زۆری ئەندامانی فراکسیۆنی پارتی لە پەرلەمانی عێراق لە شاندەکەن و ئێستا گەیشتوونەتە گوندەکە و لە مزگەوتی گوندی شەناغە لەگەڵ جووتیاران لە کۆبوونەوەن. جووتیارانی گوندەکە داوا دەکەن بە تەواوی ئەو کێشەیە چارەسەر بکرێت.

 

بۆچی گرنگە: پەرلەمانی عێراق لە 21-1-2025 دەنگیدا لەسەر هەڵوەشانەوەی بڕیارەکانی ئەنجومەنی سەرکردایەتی شۆڕش لە سەردەمی حزبی بەعسی هەڵوەشاوەو خاوەنداریەتی ئەو زەوییانەی گەڕاندوەتەوە بۆ خاوەنە ڕەسەنەکانیان، بۆیە هاتنی ئەو شاندەی پەرلەمان هێزێکی یاسایی گرنگی هەیە.

 

ئەوەی پێویستە بیزانیت: دوێنی ئێوارە دوای ئەوەی کۆمەڵێک سەربازی سووپای عێراق ڕێگریان کرد لە جووتیارانی گوندی شەناغە زەوییەکانیان بکێڵن و بارگرژی دروستبوو. سەرۆک بارزانی پەیامێکی بڵاوکردەوە و ڕایگەیاند، جووتیاران با باش بزانن كە ئەوان تەنیا و بێ پشت و پەنا نین و بە هەموو هێزێك پشتیوانی لە خۆڕاگری و ماف و داواكانیان دەكەین.