لە ساڵیادی ڕاپەڕین چی بۆ خەڵکی ڕانییە کرا؟

ئاڤا نیوز

لە ساڵیادی ڕاپەڕین دەست بە کارکردن لە چەند پرۆژەیەکی تەواونەکراو دەکرێتەوە لە سنووری ڕانییە.

لێدوانی فەرمی: هیوا قەرەنی، سەرپەرشتیاری ئیدارەی ڕاپەڕین بە ئاڤا نیوزی گوت؛ ئەمساڵ ویستوومان یادی ڕاپەڕین جیاوازتر بێت ئەوش بە تەواوکردن و جێبەجێکردنی چەند پڕۆژەیەک بۆ خزمەتکردنی خەڵک:

- یەکێک لەو پرۆژانە جووتسایدی نێو بازاڕی ڕانیەیە کە ماوەی 12 ساڵە وەستاوە، کارکردن لەو پڕۆژەیە دەستپێکردووەتەوە و تەواو دەکرێت.

- پرۆژەی پردی دەربەندی ڕانیە یەکێک بوو لە گرنگترین پرۆژەکانی سنوورەکە، لە کابینەی نۆیەم بەردی بناغەی دانرا و ئێستا لە تەواوبووندایە و لە داهاتوویەکی نزیکدا دەکرێتەوە.

- پڕۆژەی هێڵی کارەبای پەستانبەرزی بازیان - ڕانیە، کارەکانی تەواوبووە و کەوتووەتە کار، کاریگەری زۆری لەسەر زیادبوونی کارەبا هەیە و بۆ 10 ساڵی داهاتوو سنووری ئیدارەی ڕاپەڕین پێویستی بە هێڵی دیکەی گواستنەوەی کارەبا نابێت.

گۆشەیەکی دیکە: سەبارەت بە پرۆژەکانی دیکەی سنوورەکە و تەواونەکردنیان، هیوا قەرەنی گوتی، کێشەی نەبوونی پارە و بودجە بەربەستی گەورەن لەبەردەم جێبەجێکردنی پرۆژەکان، بە خەرجکردنی پارە بۆیان کارەکانی  ئەوانیش دەستپێدەکاتەوە.