هەینی 23 وەزارەت و دەستە و توێژ مووچە وەردەگرن

ئاڤا نیوز

 

سبەی هەینی سەرەڕای پشووی فەرمی بەڵام دابەشکردنی مووچەی مانگی سێ لە ڕێگەی هەژمار من و بەشێوەی کاش بەردەوام دەبێت و 23 وەزارەت و دەستە و توێژ مووچە وەردەگرن. 

 

چیرۆکی سەرەکی:  ئەمڕۆ پێنجشەممە دەست بە دابەشکردنی مووچەی مانگی سێ کرا و سێ ڕۆژ بەردەوام دەبێت، ئەم مانگەش 313 هەزار مووچەخۆر لەڕێگەی هەژماری من مووچە وەردەگرن.

 

زانیاریی زیاتر: دابەشکردنی مووچە بە کاش بەپێی خشتەی وەزارەتی دارایی دەبێت، سبەی هەینی کە پشووی فەرمییە بەڵام دابەشکردنی مووچە بەردەوام دەبێت و 23 وەزارەت و دەستە و توێژ مووچەی مانگی سێ وەردەگرن، بە خانەنشینی پێشمەرگە دەستپێدەکات و بە وەزارەتی شارەوانی و گەشتوگوزار کۆتایی دێت. 

 

ئەمەش بزانە: تیمی هەژماری من لەبارەی دابەشکردنی مووچەوە بە ئاڤای ڕاگەیاند، دابەشکردنی مووچە هاوشێوەی وەزارەتی دارایی دەبێت و ڕەنگە دوو شوێن پێش بخرێت بەمشێوەیە:-

-    وەزارەتی دارایی و ئابووری
-    دەستەی دەستپاکی
-    دەستەی وەبەرهینان
-    دەستەی ژینگە
-    ئەو شوێنانەی دیکەش بەهەمانشێوە بەپێی لیستی ڕاگەیێنراو مووچە وەردەگرن

 

ئەوەی پێویستە بیزانیت: تیمی هەژماری من  دوا لە مووچەخۆران دەکات قەرەباڵغی لەبەردەم ئامێرەکانی ڕاکێشانی پارە دروست نەکەن، چونکە بەش بەش پارە دەخرێتە سەر هەژماری مووچەخۆران و بە یەکجار نییە، بۆیە مووچەخۆران پێویستە چاوەڕوانی کورتەنامە بکەن.